قصة الهواوي وبنت خالته

قصة الهواوي وبنت خالته



السلام عليكم ورحمة الله وبركاته ,,,

سأروي لكم قصه وقصيده المطوع واخوه الهواوي




عساها تنال اعجابكم ورضاكم





يحكى أن :- اخوان اثنين يتامى توفي ابوهم وتوفيت امهم وهم صغار. . كبروا . . وصارت اعمارهم قرابة العشرين سنه . . واحد منهم . . هداه الله . . والتزم . . وربا لحيته . . وصار إمام مسجد . .









والثاني . . عكسه تماماً . . العقال منكوس . . الطير في يد والربابه باليد الثانيه . . ومن نفود لنفود . . وراعي قصيد ومهيجن وقلبه خضر. . وكانت له بنت خاله . . يحبها وتحبه . . وكان دايم يروح لخالته . . يعرض عليها المساعده . . كله عشان يتقرب للبنت ويشوفها وتشوفه . . ويجيب لهم الصيد









المهم . . جاء موسم الحج . . واخوه الكبير إمام المسجد . . نوى الحج . .وقال لاخوه الهواوي . . طلبتك ياخوي . . قال :اخوي واكبر مني ومطوع انت ماتطلب انت تآمر تدلل وابشر بعزك . . قال انا نويت الحج السنه . . وابيك تمسك المسجد عني ...!!!!









حاول يتعذر الاخو الصغير لاخوه لانه ماقد صلى بالناس ويخاف انه يخطي









لكن اخوه الكبير ما اعطاه فرصه . . الح عليه . . لين وافق









جت صلاة الفجر . . ويوم صلى الامام . . وانتهت الصلاة . . قال للجماعه . . ياجماعة الخير . . انا نويت امشي اليوم مع الحجاج . . وترى اخوي فلان . . ويأشر عليه بآخر الصف . . بـيـمسك الامامه لين ارجع بالسلامه . . قالوا الجماعه الله يستر عليك . . ويطرح بأخوك البركه . . وهم خابرينه راعي قصيد . . ومطنوخ الرجال . . وقلبه خضر . .











بدأ الاخو الصغير يصلي بالجماعه . . واموره زينه . . بس اللهم . . انه مرات لا جاء يحدث بالجماعه . . بعد صلاة العصر . . يشيل الحديث شيله . . لكن ماشيء . . اموره سالكه الرجال .









مر اسبوع اواسبوعين. . بنت خالته فقدته . . لانه مايمر عليهم . . على عادته . . وجت حول البيت تنشد عنه . . وقالوا لها الجيران . . ان اخوه راح يحج . . وهو مسك مكانه في المسجد . . قالت البنت . . مو معقول . . ماني مصدقه لين اشوف بعيني . . قالوا لها . . لاجت صلاة العصر . . روحي المسجد وشوفي . . جت صلاة العصر ..









اذن العصر . . وحضروا الجماعه على العادة . . وجت البنت ومعها ثلاث او اربع حريم . . ووقفن على يسار خلف الصفوف الاخيره . . تقدم راعي الربابه . . وقال لواحد جنبه (( اقم الصلاه )) . . اقميت الصلاه. . التفت على يمناه الامام . . وقال (( استوو )) . . والتفت على يسراه يبي يقول (( اعتدلوا )) . . يوم التفت شاف بنت خالته وهي تشيل اللثام عن وجهها تبيه يعرفها. . فبدل ما يقول اعتدلو قال

تعدلوا يأهل القلوب المواليف

صيروا ورى القراي خمسة اصفوفي

حياك رب(ن) حيزم الغرس بالليف

مرجع بصر يعقوب عقب الكفوفي

إنك هواي بلابسات المشانيف

والكاذب الله يجعله مايشوفيالله واكبر .........!!!!!!!

و كبر بالجماعه . . وصلى بهم . . يوم خلص والتفت . . وهو مفتشل باللي قاله . . قال واحد من اللي كانوا يصلون بالصف الاول ورى الامام وكان من كبار السن . . والله ياوليدي قد لك اسبوع ويازين صلاتك . . إلا هالحديث اللي قلته بين الاقامه . . وتكبيره الاحرام . . وش هو . . !!! قال هذا ياعم . . (( حديث ضعيف جداجداجدا )) . . ووالله ماعاد اقوله:d